فيتامين فيتامين و الكلام على مين
تغيرت الناس كثيرا هالايام على ايام زمان كان الناس يحبوا بعضهم لوجه الله اما اليوم صاروا الناس عباد الماده و العياذ بالله
السؤال اللي يطرح نفسه هل فعلا الحياه اتغيرت و تغير نمطها؟
أم ان الحياه هي نفسها و اللي اتغيرهو نفوس البشر؟
و للاسف الشديد انه في فئه من الناس انطرحت في المكان الغلط
و صارت تتحكم بمصير و حياة من حولها
كل يوم نصادف من خلال حياتنا اليوميه اصنافا عديده من البشر
مثلا عندك الانسان الصالح الخلوق اللي ما يرتكب المحرمات
تراه يستمتع بانسانيته يعني انسان مثالي نظيف الكف من المال الحرام
و النوع الثاني من البشر مع الاسف الشديد نلاحظه و بكثره
في زماننا هذا و هو الانسان المجرد من الاخلاق و المبادىء
اللي يبيع ذمته عشان رزمة ورق(فيتامين ف) أو يجبر بخاطرك
لانك ابن فلان او قريب علان(فيتامين و)
الرشوه و الواسطه يا جماعه صارت لغة العمل في كل مكان
و بالتالي تشوف ناس قاعدين على كراسي مايستاهلونها
و الكفو ينتهي به المطاف في الطرقات او القعده بالبيت
عاله على اهله و المجتمع
لا حول الله صارت الناس تختصر الطريق على حالها و تشتري و تبيع
من غير ما تفكر في الحلال و الحرام
و انا شايفه ان ها لفيتامينات هي سبب الفساد بل هي الفساد بعينه و طول ما الناس تتداولها هالبلد عمرها ما بتتطور
و ما بيدنا الا اننا نعتذر لزماننا اللي ما قدرنا نعيشه
و نعتذر لكسلنا اللي يسكن عقولنا عن ازعاجه بمحاولات النشاط الخجوله
نعتذر الى كل شيء حولنا لاننا أصبحنا نفسد كل شيء
نعتذر الى الاعتذار نفسه لاننا اصبحنا نستخدمه دون جدوى
و نعتذر للمسؤلين لانهم منشغلين و نشكرهم على عدم مد يد العون و دفن المواهب اللي ما قد خرجت للحياه اصلا
و اعتذر لكل من قرأ رسالتي و ما فهمها
و أخيرا عندي سؤال للكل و ياريت الكل يجاوب بصراحه
لو فرضنا انك انسان كفو و مؤهل بكل ما تحمله الكلمه من معنى
و و صولك لمنصب معين راح يساهم في التطوير و يأثر بشكل ايجابي على من حولك لكن!!!!!!!!!!!!
لكن بسبب الظروف المحيطه اللي تخلي الواحد يخرج عن ارادته!!!!!!
هل بتخلي الواسطه و سيله للوصول لهدف معين انت تستحقه ؟؟؟؟؟؟؟؟
لا تنسى هدف معين انت تستحقه و أهل له