انت لابس وكاشخ وقاعد تمشي بالبيت متجه للباب ..
فجأه يشوفك واحد من اهلك
ويصرخ عليك ويقول بصوت عالي :- هااا بتطلع !! ؟
( لا بجرب الباب زين ولا لا .... )
الصراحه سؤال خطير !!
----------
انت قاعد بغرفتك وماسك الكتاب قاعد تدرس ..
يدخل عليك واحد من اهلك يقولك
هاا قاعد تدرس !! ؟
(لا افرش اسناني !! يعني ماسك الكتاب شسوي اكيد ادرس)
-----------
انت الحين بالكافيه صدفه شفت واحد من الربع او الاهل .. قالك هاا شتسوي هنا !!
(ابيع بن!! لا تعليق
------ ------------ --
انت الحين بالسرير الساعه 3 بالليل
دق عليك خويك
لما ترد عليه يقولك .. انت صاحي ؟!!؟
( لا لسه نايم وقاعد اتحلم اكلمك )
____________
انت الحين توك اللي واصل للبيت او واصل من سفر
لما يشوفك احد يعرفك
يقول هاا انت وصلت ؟!!
( لا لسه بالطريق)
_____________
لما واحد جنبك بيسألك عن الوقت
ويقول كم الساعه ؟ وبنفس الوقت ياشر بصبعه على يده مكان الساعه
ههههههههههههه
(يعني بالله شفت احد يحط الساعه برجله .. اكيد بيده يؤ)
_____________
لما واحد بيوضحلك عن مده بعيده
مثلا قبل 20 سنه
يقعد يقولك مثلا " من زماااااااااااااااااااااااااااااااان"
يمد بالالف زماااااااااااااااااااان
(يعني لازم تمد قول زمان وانتهينا .. او يعني كذا اعرف انك تقصد قبل 20 سنه بعدد المدات هاه هههههههه)
______________
لما واحد يدق باب البيت
ولما تروح تسأل من ؟
يقولك .. انا !!
ياهووو من اللي يدق الباب
يقولك انا انا
(لا بس عرفتك كذا)
_____________
لما تنسى كتاب بالمدرسه
ويجي المدرس ويسألك ليش نسيته ؟!!؟
(اتفاهم مع ربك ليش نسيته يؤ ... قلتلك نسيته تقولي ليش نسيته .. نسيته لاني نسيته )
_____________
واحد بيسوي فيها مؤدب
يقولك : ممكن اسال سؤال ؟
(طيب هذا مو يعتبر سؤال )
______________
لما تقوم من النوم الصبح
ويجي ابوك او تجي امك او اي احد
ويقولك هاا صحيت ؟!!؟
(لا لسه بس قاعد استهبل اسوي نفسي صاحي
و هذا وشهو
اقول والله يشتي لكم زياره لمغربي