والله صدق اش دخل الناس فيها تروح تحرقهم
هذي مجنونه مش غيوره والله
و بعدين قبل لا تروح تحرق الناس و تسوي نفسها ذيك الزعلانه و الغيوره عليه تشوف في نفسها و حياتها
و تراجع روحها و با تلاحظ في الاخير انها اكيد سوت شي غلط
طبعا لا تبرأو انفسكم و تقولو مستحيل انها تكون سوت شي غلط او تقولو انو اصلا الرجال كذا ظالمين يروحوا يتزوجوا هكذا ... و انا مش منكر انو في رجال بالفعل ظالمين و بيسووها و انا ضدهم تماما و ضد اصلا اللي يفكر يتزوج ثنتين لانو هذا ان دل على شي فهو يدل على فشله في اختيار رفيقة عمره و انو انسان فاشل في علاقاته اصلا و الا لو ما كان فاشل ما كان با يروح يدور على احد ثاني
على العموم انا النقطه الجوهريه اللي كنت حاب اطرحه في موضوع المره هذي انها كان المفروض بدل ما تسوي هذا الكلام و تروح تولع بخلق الله تراجع نفسها و تشوف هي ايش قصرت مع زوجها و ايش الشي اللي راح يدور عليه برع لانو ما حصله عنده في البيت بس كمان يعني هذا مش مبرر للزوج انو يروح يتزوج عليها الا لو كان التقصير كبيييييييييييييييييييييييير جدا جدا لانو حتى الرجال يعني اكيد بيقصر بحاجات كثير مع زوجته و هي بتصبر عليه و لازم يتحملها مثل ما هي بتتحمله ،، و على العموم اللي كنت حاب اقلكم فيه و تاخذو منه درس و عبره من القصه هذي انو المره هذي مش غيوره و لكنها حسوده لانها حست انو لقى الحاجات اللي ما اعطته اياهم عند انسانه ثانيه غيرها ،،، و نصيحتي للي تشتي تحافظ على زوجها و بيتها انها تتحمل زوجها و توقف معاه و تحاول ما تقصرش معاه بحاجه تقدر تقدمها له و كمان الرجال لازم اذا كانو يشتو زوجاتهم ما تقصر معاهم يحاولو يثبتو لهم دائما انهم متفانين لهم و انهم بيحبوهم و يقدروهم و با يعطوهم كل اللي يقدرو عليه
بس والله والله انو دمار البيوت هي من قلة العقول يعني احيانا تلاقي الرجال قليل عقل زيااااده و من ابسط زعله يروح يتزوج او يطلق او يسوي حاجات مفروض ما يوصل لها ابدا
و كمان بعض نسوان يعني ما تحاول تهدي النقاش مع زوجها لما تناقشه و تحسسه انو مش لازم يتكلم و ترفع صوتها عليه و دايما تكسر كلامه و ما تعطيه اللي عندها لانو في نسوان والله لما تكون مع زوجها في البيت مستحيل تلاقوها تتشيك و تسوي لزوجها كل اللي نفسه فيه و لا راحت حفله تسوي الميك اب و تلبس احلى اللبس و تدلع اخر دلع هههههههههههههههههههههه بس على العموم التفاهم مثل ما قلت لكم في مشاركه سابقه هو من اهم الاشياء اللي لازم يتمسكوا فيها الاثنين و لازم يصيروا متفاهمين في حياتهم
و الاهم من التفاهم كمان
انو الاثنين يضحوا علشان بعض
التضحيه يا جماعه
هي من اكثر الحاجات اللي بترفع الرجال في عين زوجته و الزوجه في عين زوجها والله و تخليه او تخليها يحب او تحب زوجها او زوجته جددددددددددددددددددددددددددا و بقول لكم انو كل ما يضحي الرجل عشان زوجته زوجته تكون التضحيه عندها لاجل زوجها سهله و با تضحي بكل شي عشانه و بالعكس لما الزوجه تضحي عشان زوجها والله زوجها بيصير مستعد يضحي بروحه عشانها
يعني مثل ما قلت لكم المساله هي مسالة تبادلية
اذا كنتم محتاجين للحب لازم تعطوه عشان تلاقوه
اذا كنتم محتاجين للحنيه لازم تعطوها عشان تلاقوها
اذا كنتم محتاجين للأهتمام لازم تعطوها عشان تلاقوها
اذا كنتم محتاجين للسعاده لازم تعطوها للشريك اولا و با تلاقوها راجعه لكم بكم اكبر
اذا كنتم محتاجين للعطف اعطوه و با تلاقوه
اذا كنتم محتاجين للأنس اعطوه و با تلاقوه
اذا كنتم محتاجين للتفهم كونوا متفهمين اولا
اذا كنتم محتاجين للتضحية ضحوا انتم بالاول
اذا كنتم محتاجين للحياة الهانئة حاولو تعطوا بعضكم كل شي تحتاجوه و يحتاجه غيركم
يعني مش بالضروره انو ما تعطي الا اللي تكون محتاج له او محتاجه له عشان هذي اللي با ترجع لك و السلام لانو هذي انانيه لا و مستحيل اصلا ترجع يعني لازم كل واحد او واحده يحاولو قدر الامكان اشباع مشاعر بعضهم و احتياجات بعضهم مهما كانت و لو حتى ما كانو محتاجين لها بس لازم يحاولو يعطوا كل شي يملكوه و يحاولو يعطوا حتى اللي ما يملكوه لشركائهم
سوري طولت الكلام و اللي يسمعني يقول صار لي متزوج مليون سنه
هههههههههههههههههههههههههههههههههههههههه
بس والله هذا الشي من اللي انا لاحظته في البيوت و من شكاوي الناس اللي اعرفها
و الحمدلله الحمدلله و الله يبعد المشاكل عن كل بيت يااااااااااااااااا رب
عدل سابقا من قبل (N.B) في 31/3/2010, 11:06 pm عدل 1 مرات